Reglur í Ökuleikni

  1. Ekki má spóla né heyrast væl í dekkjum. Ef slíkt gerist bætast 10 sekúndur við tímann fyrir hvert væl.
  2. Ekki má fara út fyrir afmarkað keppnissvæði. Við fyrsta brot bætast 10 sekúndur við tímann, 20 fyrir annað og 30 fyrir þriðja o.s.frv.
  3. Ekki má gefa keppanda upplýsingar í þrautaplani.
  4. Keppandi skal vera einn í bílnum í keppni.
  5. Sleppi keppandi þraut bætast 50 sekúndur við tímann.
  6. Ef ruglingur verður á þrautaröð hjá keppanda, telst hann hafa sleppt fyrri þrautinni sem ruglaðist.
  7. Hafi keppandi fram að færa athugasemd, skal hann snúa sér til eins af dómurum keppninnar og fylla út sérstakt kærublað.
    Kærufrestur rennur út 10 mínútum eftir að síðasti keppandinn hefur ekið þrautaplanið. Dómarar ásamt yfirdómurum skera úr um öll vafaatriði er upp kunna að koma við keppnina.
  8. Keppandi skal hafa gild ökuréttindi til þess að taka bifreiðinni sem keppt er á.
  9. Keppandi tekur þátt í keppninni á eigin ábyrgð.