Bestu ökumenn landsins verðlaunaðir

//Bestu ökumenn landsins verðlaunaðir

Hjördís og Sighvatur langbestu ökumennirnir

Íslandsmeistarakeppnin í Ökuleikni á fólksbílum var haldin í dag, sunnudaginn 1. október. Keppnin var fyrst haldin árið 1978 og fagnar því 39 ára afmæli í ár. Keppendur voru 13 og mættu við höfuðstöðvar Eimskips við Sundahöfn.

Það var Sighvatur Jónsson sem sigraði karlariðilinn í níunda skipti en hann sigraði fyrst árið 2000. Sighvatur ók brautirnar fjórar á samtals 459 sekúndum að meðtöldum villum. Í kvennariðli sigraði Hjördís Heiða Ásmundsdóttir þriðja árið í röð en hún ók á alls 716 sekúndum. Líkt og á stóru bílunum gátu keppendur myndað með sér lið og var það liðið Klessa á sem sigraði en liðið samanstóð af bræðrunum Sighvati Jónssyni og Gylfa Jónssyni sem lenti í 3. sæti.

Það er Brautin – bindindisfélag ökumanna sem stendur fyrir keppninni í samstarfi við Eimskip, Ölgerðina, Sjóvá, SBA, Heklu og N1.

Ökuleikni 2017. Úrslit á fólksbílum

Hér fyrir neðan eru nokkrar myndir frá keppninni en fleiri myndir er að finna á Flickr síðu félagsins.

By |2017-10-16T16:30:12+00:001. október 2017 | 17:26|