Félagsmenn í Brautinni – bindindisfélagi ökumanna hafa í fjölmörg ár fengið afslátt af smurvinnu hjá Smurstöðinni Stórahjalla. Smurstöðin var, eins og nafnið ber með sér, staðsett í Stórahjalla í Kópavogi. Hún flutti svo starfsemi sína á Dalveg í Kópavogi. En nú hafa þau tíðindi átt sér stað að Smurstöðin Stórahjalla og Bíla…Áttan hafa sameinast undir nafni Bíla…Áttunnar og er starfsemin á Smiðjuvegi 30 í Kópavogi.
Félagsmenn Brautarinnar fá áfram 15% afslátt af smurvinnu hjá Bíla…Áttunni og hvetjum við félagsmenn til þess að nýta sér þessi góðu kjör.
Guðmundur Karl Einarsson
22. nóvember 2012 14:34